1812 оноос эхэлсэн түүхтэй Лоран-Перриер оргилуун дарс нь оргилуун дарсны хамгийн том брэндүүдийн нэг юм. Гэр бүлийн бизнес болох Лоран-Перриерийн үйлдвэр нь Бернард де Нонанкурын хүсэл тэмүүлэл, алсын харааны ачаар өнөөдрийн оргилуун дарсны зах зээлд томоохон байр суурийг эзэлж байна. Төгс төгөлдөр байдал, дэгжин байдал, бие даасан байдал нь Лоран-Перриер үйлдвэрийн хамгийн чухал гурван үнэт зүйл юм. Энэхүү оргилуун дарс нь өөрийн өвөрмөц өнгө төрх, амт чанар, бэлгэ тэмдэг бүхий өнгө төрхөө өнөөдрийг хүртэл хадгалж ирсэн нь хамгийн алдартай тансаг гэх тодотголыг авсан байна.

Гленфиддич нь Гали хэлээр "бугын хөндий" гэсэн утгатай ба Гленфиддичийн нэрэх үйлдвэрийг 1886 онд Уильям Грант анх үүсгэн байгуулжээ. Өдгөө Гленфиддич бол виски ертөнцийн томоохон брэндүүдийн нэг юм. Дэлхийн хамгийн алдартай нэг амууны Шотланд вискиний брэнд бөгөөд тус нэрэх үйлдвэр нь "Өндөр уулсын зүрх" гэж нэрлэгддэг Даффтаун хотод байрладаг байна. Энэхүү брэндийн үүсгэн байгуулагч Уильям Грант нь “хөндий дэх хамгийн сайн виски" хийх алсын хараатай байсан бө өнөөдөр Гленфиддич дэлхийн 180 гаруй оронд худалдаалагдаж байгаа нь түүний хүлээлтээс ч давсан байна. Glenfiddich нэг амууны Шотланд вискины хувилбар бүр нь өөрийн зан чанараараа ялгаатай бөгөөд амт тус бүр нь өөр өөрийн хэв маягт тохирсон байдаг. Алдарт гурвалжин хэлбэртэй лонхыг нь 1957 онд зохион бүтээсэн ба энэ загвар нь ус, агаар, соёолж гурвын ач холбогдлыг илтгэн харуулжээ.